Ўзбекистон U-14 чемпионати низомига ўзгартириш киритилди
06 окт 2021 10:32
Новости

Ўзбекистон U-14 чемпионати низомига ўзгартириш киритилди

Мусобақада иштирок этиш учун "Арал Самали" жамоаси етиб келмади.

Бу эса гуруҳ босқичи якунига кўра энг яхши 3 та 2-ўрин эгаларини аниқлаб олишда ноаниқлик келтириб чиқаради. Шундан келиб чиқиб, Низомнинг 9-бандида кўзда тутилган ҳолат бўйича 6.1-бандга қўшимча киритилди.

Демак, гуруҳларда энг яхши кўрсаткич қайд этган 3 та 2-ўрин эгаларини аниқлашда барча гуруҳларда 4-ўринни эгаллаган жамоалар натижаси 0 га тенглаштириб олинади. Яъни, ҳар бир гуруҳда дастлабки уч ўринни эгаллаган жамоаларнинг ўзаро ўйинлари натижасидан келиб чиқиб, энг яхши 2-ўрин эгалари саралаб олинади ва улар гуруҳ пешқадамлари билан бирга 1/4 финалга йўлланма олади.