Ўзбекистон терма жамоаси мухлислар клубига аъзо бўлишни истаганлар диққатига!

3 июнь куни соат 16:00да Ўзбекистон футбол мухлислари клуби барчани Ўзбекистон Футбол Федерацияси анжуманлар залига таклиф этади,

Йиғилишнинг мақсади: Ўзбек футбол мухлислари клубига янги аъзоларни қабул қилиш, шунингдек клуб фаолияти билан боғлиқ бир неча муҳим масалалар борасида сухбат.

Барчага маълумки, бугунги кунда Ўзбекистонда Barcamania, Madridista, Juventus, Chelsea, Arsenal  каби бир қатор Европа клубларининг расмий футбол мухлислари клуби фаолиятини бошлашган.

Ўзбекистон футбол мухлислари клуби эса, бугунги кунда фаолият олиб бораётган ПФЛ футбол мухлислари клублари, жумладан юқорида номи тилга олинган расмий ва норасмий мухлислар клубларини бир қанот остида барча ёш тоифаларидаги Ўзбекистон терма жамоалари ўйинлари пайтида  қўллаб қувватлашга чорлайди.
Шунингдек, мухлислар клубига аъзо ҳар бир мухлисга ҳар томонлама амалий ёрдам кўрсатиш ҳамда мухлислар клублари ўртасида дўстона алоқаларни ўрнатиш каби вазифаларни ўз олдига мақсад қилиб қўйган.

Таъкидлаш жоиз, Ўзбекистон Футбол Федерацияси қошидаги Ўзбекистон футбол мухлислари клуби ўзининг ҳар бир аьзосига шахсий ID карточка тақдим этишни жорий қилади.  (махсус гувоҳнома),

Малумот учун, ушбу ID карточка эгаси Ўзбекистон футбол мухлислари клубининг ҳақиқий ва тўлақонли аъзоси сифатида бир қатор имтиёзларга эга бўлади, Жумладан: Ўзбекистон миллий терма жамоаси иштирокидаги барча расмий ва ўртоклик учрашувларга кириш ва терма жамоани қўллаб-қувватлаш, қолаверса, терма жамоаларнинг сафар учрашувларига ташриф буюришлари учун ҳам бир қатор имтиёзларга эга бўлишади.

Қабул қилиш жараёни қандай кечиши ва ID картасини қўлга киритиш учун нималар талаб этилиши борасида маълумот:
1.  4 дона 3х4 расм (Оқ фонда)
2.  Паспорт нусхаси (яшаш манзили билан)

Футбол мухлислари клуби аъзоларига эслатма:
-16 ёш ва ундан катталар аъзо бўлиш имкониятига эга.
-аввалгидек мухлислар клуби аъзолигига қабул қилиниш учун PFL футбол клублари мухлислар клуби аъзоси сифатида рўйхатдан ўтган бўлишлари шарт эмас.  
Жисмоний тарбия ва спорт қўмитаси ҳамда Ўзбекистон Футбол Федерацияси томонидан ишлаб чиқилган  низомга  ҳамда мухлислар клуби томонидан тузиб чиқилган ички тартиб-қоидаларга амал қилиш талаб этилади холос
-Мухлислар клубига аьзолик бадал пули йўқ
Қолган барча масалалар йиғилиш давомида муҳокама қилинади.

Йиғилиш ЎФФ мажлислар залида 3 июнь куни соат 16:00да.

Батафсил маълумот учун:
Телефон +998901759001 (телеграм)
Телеграм Канал: @AbdurahmonFazilov