Ўзбекистон Суперкубоги ҳақида 7 факт
27 фев 2022 10:37
Новости

Ўзбекистон Суперкубоги ҳақида 7 факт

27 февраль куни Яйпанда ўтказиладиган Ўзбекистон Суперкубоги ҳисоб бўйича тарихда 7-си ҳисобланади.

Шу туфайли эътиборингизга 7 қизиқарли фактни тақдим қиламиз.

1. Энг кўп гол 1999 йилда ўтказилган "Навбаҳор" - "Пахтакор" баҳсида урилган. Ўшанда наманганликлар "шерлар" устидан 4:2 ҳисобида зафар қучган эди.

2. Суперкубок баҳсларида шу пайтга қадар 6 жамоа иштирок этган: "Пахтакор" (4), "Локомотив" (3), "Насаф" (2), "Навбаҳор, "Бунёдкор" ва АГМК.

3. Ўзбекистон Суперкубогини энг кўп қўлга киритган жамоа "Локомотив" бўлса (2 марта), "Пахтакор" унда энг кўп енгилган (3 марта).

4. АГМК Суперкубокда иштирок этиб, унда зафар қучолмаган ягона жамоадир.

5. Суперкубок баҳсида фақат 2 нафар футболчи дублга эришган: Леонид Кошелев, Андрей Акопянц. Темурхўжа Абдухолиқов эса 2 та учрашувда гол уришни уддалаган танҳо футболчи.

6. Яйпандаги ўйин "Насаф" тарихига Суперкубок доирасидаги 3-учрашув сифатида киради. Қизиқарли жиҳати, бу баҳсларнинг барчасида жамоа устози Рўзиқул Бердиев бўлган.

7. Стадионга энг кўп мухлис йиғган учрашув 2019 йилда ўтказилган. Ўшанда "Локомотив" ва АГМК жамоалари беллашувни томоша қилиш учун "Пахтакор" стадионига 18 171 томошабин ташриф буюрган эди.