Ўзбекистон олимпия терма жамоаси мураббийи Купернинг тавсиясига кўра танланади

Кейинчалик бу хабар ўз тасдиғини топмади. Яъни, ЎФА биринчи вице-президенти Умид Аҳмаджонов "Футбол Экспресс" газетасига берган интервьюсида ОТЖга мураббийни Испаниядан излашаётганини маълум қилганди.

Биздаги маълумотларга кўра, ЎФА раҳбарияти Испаниядаги ҳамкорлар орқали мураббий топишни мақсад қилишган. Афсуски Суперлига ўйинлари ниҳоясига етиб бораётган бир пайтда Токио-2020 учун курашиши лозим бўлган ОТЖга ҳали ҳам бош мураббий тайинлангани йўқ. Олган маълумотларимизга кўра, МТЖ бош мураббийи Эктор Купернинг тавсиясига кўра Олимпия терма жамоамизга мураббий танланади.

Эслатиб ўтамиз, 2019 йилнинг март ойида Тошкентда саралаш ўйинлари бўлиб ўтади.

Кўпчиликни ўйлантираётган муаммо шундаки, чемпионат ниҳоясига жуда оз қолди. Аммо ОТЖ ҳали ҳам ўз эгасига топширилгани йўқ. Янги келадиган мутахассис эса таркиб учун қачон футболчиларни саралайди ва уларни қаерда кўради? Бу катта жумбоқ.