Ўзбекистон МТЖ Тошкентда йиғин бошлади

Футболчиларимиз Вадим Абрамов бошчилигида "ЖАР" стадионида машғулотларни бошлашди. Йиғиннинг биринчи кунида терма жамоага чақирув олган 28 нафар футболчининг 24 нафари иштирок этди. Легионерлардан Рустам Ашурматов ва Одил Аҳмедов ҳам умумий гуруҳда машғулотлар ўтказди. Ҳожиакбар Алижонов якка тартибда шуғулланди.

Икром Алибоев, Элдор Шомуродов, Отабек Шукуров ва Тимурхўжа Абдуҳолиқов яқин кунларда терма жамоа ихтиёрига келиб қўшилади.

Эслатиб ўтамиз, Вадим Абрамов йиғинга қуйидаги футболчиларни жалб этган:

Дарвозабонлар: Санжар Қувватов (“Пахтакор”), Элдор Суюнов (“Пахтакор”), Абдумавлон Абдужалилов (“Бунёдкор”).

Ҳимоячилар: Егор Кримец (“Пахтакор”), Рустам Ашурматов (“Гвангжу”, Жанубий Корея), Умар Эшмуродов (“Насаф”), Ислом Тўхтахўжаев (“Локомотив”), Шароф Муҳитдинов (“Насаф”), Фаррух Сайфиев (“Пахтакор”), Дилшодбек Аҳмадалиев (“Бунёдкор”), Ҳожиакбар Алижонов (“Пахтакор”), Акбар Исматуллаев ("Металлург").

Ярим ҳимоячилар: Одилжон Ҳамробеков (“Пахтакор”), Одил Аҳмедов (“Шанхай СИПГ” - Хитой), Икром Алибоев (“Сеул ФК” – Жанубий Корея), Азиз Ғаниев (“Насаф”), Остон Ўрунов (“Локомотив”), Жалолиддин Машарипов (“Пахтакор”), Лутфулла Тўраев ("Бунёдкор"), Сардор Мирзаев (“Локомотив”), Отабек Шукуров (“Шаржа”, БАА), Достонбек Ҳамдамов (“Пахтакор”), Хуршид Ғиёсов ("Бунёдкор"), Жамшид Искандеров ("Локомотив"), Жасур Яхшибоев (АГМК).

Ҳужумчилар: Элдор Шомуродов (“Ростов” – Россия), Игорь Сергеев (“Пахтакор”), Темурхўжа Абдухолиқов ("Хорфаккан", БАА).

Суратлар муаллифи - Толибжон Қосимов