Ўзбекистон кубоги. Ярим финалига эртага жонли эфирда қуръа ташланади
19 сен 2018 20:25
Новости

Ўзбекистон кубоги. Ярим финалига эртага жонли эфирда қуръа ташланади

Ўзбекистон кубоги ўзининг ҳал қилувчи палласига кирди.

Ярим финалга йўл олган барча жамоалар номи маълум бўлди. 1/2 финал учрашувлари 27-28 сентябрь кунлари бўлиб ўтиши кўзда тутилган.

Ўзбекистон кубоги ярим финалига чиққан жамоалар: "Қўқон-1912", "Пахтакор", "Бунёдкор", АГМК.

Ярим финал жуфтликлари “Спорт” телеканали орқали жонли эфирда намойиш этиладиган “Гол” кўрсатуви вақтида ташланадиган қуръа орқали аниқлаб олинади. Кўрсатув 20 сентябрь куни 19:40да бошланади.

Таъкидлаш жоиз, Ўзбекистон кубогининг 1/8 финал учрашувлари қуръаси ҳам, 1/4 финал қуръаси ҳам “Спорт” телеканали орқали жонли эфирда намойиш этилган эди. Дастлаб Миржалол Қосимов, Мурод Зухуров ҳамда Азиз Турғунбоев қуръа маросимида иштирок этган бўлса, чорак финал жуфтликларини Равшан Ҳайдаров аниқлаб берганди.

Ссылка :

Источник : pfl.uz

Получайте новости прямо в Telegram!

Рейтинг: +4