Ўзбекистон Кубоги превьюси. "Пахтакор" - "Оқ-тепа"

"Пахтакор" шу куни "Пахтакор" марказий стадионида биринчи лига иштирокчиси "Оқ-тепа"ни қабул қилади. Cафардаги учрашувда биринчи лигада пешқадамлик қилаётган мазкур рақибни жамоамиз 7:1 ҳисобида тор-мор келтирганди. Шу сабабли жавоб беллашувида ҳар икки жамоа ҳеч қандай босимни ҳис этмаган ҳолда мухлисларга ҳужумкор ва чиройли футбол намойиш қилиб бериши мумкин. Рақиб жамоа бош мураббийи Александр Мочинов истеъфога чиқиб, ҳозирда Фарҳод Абдурасулов бошчилик қилмоқда. Биринчи лиганинг охирги турида "Локомотив" БФК Сергей Рекуннинг ягона голи эвазига мағлуб этилди.

"Оқ-тепа" майдонида кечган учрашув жамоаларнинг илк тўқнашуви бўлганди. Мазкур жуфтликда ғалаба қозонган томон ярим финалда "Локомотив" ва "Динамо" баҳси ғолибига қарши майдонга тушади.

"Пахтакор" - "Оқ-тепа" баҳси 18 июнь, чоршанба куни соат 19:30да "Пахтакор" марказий стадионида бошланади. Ишқибозларни стадионга таклиф этамиз.

"ПАХТАКОР" - "ОҚ-ТЕПА"

Ҳакамлар: Мурод Муҳаммедов (Тошкент вилояти), Файзулла Ҳасанов (Наманган), Раҳим Ғофуров (Наманган), Дониёр Досанов (Тошкент).

Назоратчи: Иброҳим Шарипов (Бухоро).