Осиё Кубоги қатнашчиларининг статистикаси

Биз эса эътиборингизга ушбу қитъа биринчилигида иштирок этадиган 16 терма жамоанинг ўртача ёши, футболчиларнинг умумий ўйинлари ва голлари сонини келтириб ўтмоқчимиз. Статистика терма жамоаларнинг ОК-2015 да иштирок этадиган таркибидан келиб чиққан ҳолда тузилган.

ОКда қатнашувчилар орасида энг ёши Ироқ терма жамоаси (22.9), энг "қари" терма эса Фаластин (27.2). Ўзбекистон терма жамоаси ўйинчиларнинг ёши бўйича Фаластин, Қувайт, Эрон ва Япония терма жамоаларидан кейин бешинчи ўринда, Миржалол Қосимов шогирдларининг ўртача ёши - 26.7.

Ҳозирги таркибдаги ўйинчилари миллий терма жамоа таркибида энг кўп ўйин ўтказган - Уммон (924 ўйин), умумий энг кам ўйнаганлар эса Шимолий Кореяда (274 ўйин). Ўзбекистон бу борада Уммон ва Япониядан кейинги учинчи ўринда, терма жамоамизнинг айни пайтдаги футболчилари терма либосида жами 733 бор майдонга тушишган.

Ҳозирги футболчилари терма таркибида энг кўп гол урган жамоа - Япония. "Самурайлар" бу борада қолган рақибларини анчагина ортда қолдиришмоқда - 141 гол. Энг кам гол урганлар КХДР термасида - 33 гол. Ўзбекистон терма жамоаси эса 12 ўринда, ҳозирги таркибдаги ўйинчиларимиз жами 65 бор гол уришган.

Жамоалар	Ўртача ёши	Ўйинлари	Голлари
Австралия	24.95	495	67
Ж. Корея	25.86	606	64
Уммон	26.13	924	93
Қувайт	27.13	636	102
Ўзбекистон	26.73	733	65
С. Арабистони	25.95	723	64
Хитой	25.43	541	85
КХДР	24.45	174	33
Эрон	26.82	662	87
БАА	25.34	441	74
Қатар	24.86	645	66
Баҳрайн	26.08	515	86
Япония	26.78	830	141
Иордания	24.86	647	69
Ироқ	22.91	576	73
Фаластин	27.26	512	40

Толибжон Қосимов