“Орол” мавсумни бош мураббийсиз бошлади

Нукуснинг “Орол” жамоаси бу йилги мавсумда ҳам чемпионатда иштирок этмоқда. Кеча бу жамоа ўз майдонида Самарқанднинг “Шердор” клубини қабул қилди. Учрашувда мезбонлар мухлисларини қанчалик хурсанд қилишни истаган бўлишларига қарамай, якунда улар 1:2 ҳисобида рақибига имкониятни бой берди.

Баҳс поёнига етгач “Орол” устози Неъматулла Қутибоев билан боғланганимизда у киши чемпионатнинг биринчи ўйинида жамоани ўзи майдонга олиб тушмаганини ва шу куни “Баркамол авлод” мусобақасига нукусликларни тайёрлаётганини айтиб қолди. Шу боис “Орол”ни биринчи турда Қутибоевнинг ёрдамчиси майдонга олиб тушган. Неъматулла Қутибоев эса бизга бу вақтинчалик холат эканлигини ва кейинги турларда албатта ўзи жамоада бўлишини маълум қилди.