"Оқ-тепа": Ёш “темирйўлчилар”ни мағлуб этдик

Йиғиннинг сўнгги кунида “Локомотив” ўринбосарларига қарши назорат учрашуви ўтказилди. Ёш “темирйўлчилар”га қарши ўйин анча қизиқарли, ҳужумкор руҳда ўтди. Иккинчи бўлимда урилган ягона гол беллашув тақдирини ҳал қилди. Гол Зафар Қорақулов ҳисобига ёзилди.

Айтиш керак, мазкур йиғиннинг сўнгги кунларида таркибга Владислав Павловский, Жасур Саидов, Акмал Жўраев ва Элёр Жаҳонов сингари футболчилар қўшилди. Йиғин бошида Акбар Саттаев, Суҳроб Саримсоқов ва Жалолиддин Саидов машғулотларда иштирок эта бошлаганди. Қолаверса, маълум муддат “Олмалиқ” жамоаси машғулотларида қатнашган Берумий Абдунабиев ҳам “Оқ-тепа”га қайтиб келди. Ҳозирча ҳеч бир футболчи билан шартнома имзолангани йўқ.

Шу билан тайёргарликнинг биринчи босқичи якунланди. Уч кунлик таътилдан сўнг, аниқроғи, 19 январь куни тайёргарликнинг иккинчи босқичи бошланади.

Назорат учрашуви
“ОҚ-ТЕПА” – “ЛОКОМОТИВ” (ўринбосарлар) – 1:0 (0:0)
15 январь. Тошкент. “Оқ-тепа” стадиони.
“Оқ-тепа”: Ислом Ёқубов, Акбар Саттаев (Жалолиддин Саидов, 75), Маҳсуджон Ҳайитов, Фаррух Йўлдошев (Абдумавлон Турсунов, 80), Жасур Саидов, Зафар Қорақулов (Маъруф Аҳмаджонов, 70), Собир Усмонхўжаев, Нодир Тешабоев (Элёр Жаҳонов, 46), Илдар Магдеев (Суҳроб Саримсоқов, 60), Владислав Павловский (Берумий Абдунабиев, 46), Сардор Соибов.
Гол: Зафар Қорақулов, 69 – 1:0.