"Олмалиқ" "Терек" билан дуранг ўйнади

Учрашув қизғин курашларга бой тарзда кечди. Даставвал "Терек" жамоаси футболчиси Уциев ўйиннинг 42-дақиқасида Тимур Ғаниев қўриқлаётган дарвозани ишғол этди ва жамоасини ҳисобда олдинга олиб чиқди. Биринчи бўлим "Терек" жамоаси фойдасига ҳал бўлди. Иккинчи бўлимнинг дастлабки дақиқаларида "Олмалиқ" вакиллари рақиб жарима майдончаси олдида бир қатор хавфли вазиятлар яратишга муваффақ бўлишди. Беллашувнинг 54-дақиқасида Игорь Шквирин бошқарувидаги жамоада тўп тепаётган Камолиддин Мурзоев ҳисобни тенглаштирувчи голни киритди. Учрашувнинг 70-дақиқасида Бокила "Олмалиқ" дарвозасига жамоасининг иккинчи голини йўллади. Лекин бу гол учрашувдаги сўнггиси бўлмади. Баҳснинг сўнгги дақиқасида Жаҳонгир Абдумўминов "Олмалиқ"ни мағлубиятдан қутқариб қолувчи тўпни киритди ва учрашувдаги якуний ҳисобни ўрнатди, 2:2.

Назорат ўйини.

Туркия, Анталия.

"Терек" (Россия) - "Олмалиқ" (Ўзбекистон) 2:2

Голлар: Уциев (42), Мурзоев (54), Бокила (70), Абдумўминов (90).

"Терек": Городов (Гудиев,66), Уциев, Коморовски (Семенов, 56, Аилтон, 73), Шахтиев (Кудряшов, 56), Тейку, Х.Кадыров (Лебеденко, 68), Айссати, Кузяев, Пирис (Иванов, 64), Ахъядов (Рибус, 58), Бокила.

"Олмалиқ": Темур Ғаниев, Ислом Иномов, Евгений Гоголь, Адриан Кашкаваль, Саламат Қуттибоев, Шавкат Саломов, Ғулом Урунов, Жаҳонгир Абдумўминов, Арслонмурод Омонов, Камолиддин Мурзоев, Неманья Йованович.

Огоҳлантириш: Иномов (69).

Четлатиш: Семенов (72).