"Олмалиқ": Иккинчи ўйинда йирик ғалаба

Жамоамизнинг иккинчи назорат ўйинида рақиб Эроннинг "Падидеҳ" жамоаси бўлиши кутилганди. Рақиб жамоанинг ўйинга кела олмаслиги маълум бўлгач, назорат ўйини учун Камерун жамоаси спарринг сифатида майдонга тушди. Африка қитъаси вакиллари Туркияда йиғин ўтказаётган футболчилардан иборат жамоа экан.

Қизиқарли кечган ўйинда жамоамиз йирик 6:1 ҳисобида зафар қучди. Жамоамиз голларига Камолиддин Мурзоев (2та), Алишер Шоғуломов (2та), Зоҳир Пиримов ва Арслонмурод Амановлар муаллифлик қилишди. Камолиддин ва Алишер биттадан голни пенальтидан амалга оширган. Бу ўйинда бироз бетоблиги сабаб Саҳоб Жўраев иштирок этмади. Жамоанинг янги аъзоси Валерий Фомичёв эса машғулот ўтказиш билан чекланди.

Учрашувда "Олмалиқ" шарафини қуйидаги футболчилар ҳимоя этишди.

"Олмалиқ": Никита Шквирин, Диёржон Туропов, Ислом Иномов, Саидкомил Акбаров, Абдуқаҳҳор Ҳожиакбаров, Саламат Қутибоев, Никита Павленко, Жаҳонгир Абдумўминов, Дониёр Исмоилов, Алишер Шоғуломов, Камолиддин Мурзоев.
Захирадан майдонга тушганлар: Умид Хонимқулов, Евгений Гоголь, Азамат Исроилов, Ғулом Ўрунов, Зоҳир Пиримов, Шавкат Саломов, Муҳаммад Исаев, Арслонмурод Аманов, Неманья Йованович.

Жамоамизнинг сўнгги назорат ўйини 20 июль куни Эроннинг "Фулад" жамоасига қарши ўтади.