Олий лигага Австралиядан футболчи келмоқда

Бу ҳақда championat.asia Австралиянинг dailyfootballshow.com нашрига таяниб хабар бермоқда. Футболчи "Перт Глори" билан шартномани бекор қилган ва Ўзбекистонга кетишга тайёрланмоқда дейилади хабарда. 29 ёшли ярим ҳимоячининг ўрнига "Перт Глори" бошқа ўйинчи қидиришни бошлаб юборди.

Ҳозирча Гриффитс Ўзбекистоннинг қайси клубига ўтиши маълум эмас.

Ростин Жон Гриффитс 1988 йил 10 март куни Англияда туғилган. Таянч ярим ҳимоячиси. "Блэкберн Роверс" клуби тарбияланувчиси бўлган футболчи 3 йил давомида шу жамоада фаолият олиб борган, бироқ АПЛда майдонга тушмаган. Фаолияти давомида "Аккрингтон Стенли", "Аделаида Юнайтед", "Норт Куинсланд Фюри", "Централ Кост Маринерс", "Гуанчжоу РФ", "Рода" каби клубларда ўйнаган. Австралия ўсмирлар терма жамоаси сафида 2та ўйинда майдонга тушган.

Ярим ҳимоячи Австралия фуқароси ҳисобланади ва олий лигага келса осиёлик лимитига мос тушади.