Олий лига. Сергеев иккита гол урди, "Пахтакор" Бекободда ғалаба қозонди

Учрашув тезкор қа қарама қарши ҳужумлар остида бошланди. Ҳар иккала жамоа майдонга ғалаба иштиёқида тушганлигини намойиш этишмоқда. Биринчи хавфли вазиятни мезбонлар яратишди. Чап қанотдан Санжар Қодирқуловнинг тезкор рейдини “Пахтакор” ҳимоячиси катта қийинчилик билан бартараф этди. Бурчакдан тўп ўйинга киритилганда эса пахтакорчилар қарши ҳужумга ўтиб кетишаётганди, Дониёр Одилов рақибни майдон марказида қўполлик билан тўхтатиб қолди. Ҳакам унга сариқ карточка кўрсатди.Дониёр Одилов кейинги ўйинни ўтказиб юборади.

Биринчи бўлимнинг эквадор чизиғига яқинлашаётганда жамоалар тезкор голлар билан алмашинишди. 17-дақиқада “Пахтакор” ҳимоячиси Суҳроб Нуруллоев тўпни орқага қарамасдан узатганди, тўпни “Металлург” тўпурари Зоҳид Абдуллаев эгаллаб олди ва узоқдан чиройли зарбаси эвазига гол урди. Аммо мезбонларнинг хурсандчилиги узоққа чўзилмади. Пахтакорчилар кейинги қарши ҳужумдаёқ жавоб голини киритишди. Суҳроб Нуруллоев ошириб берган тўпни Игорь Сергеев бўш қолган дарвозага киритди.

Биринчи таймга қўшиб берилган дақиқада Игорь Сергеев жамоасини ҳисобда олдинга олиб чиқди – 1:2. Охирги дақиқаларда меҳмонлар вакили Достон Иброҳимов гол уриб якуний натижани ўрнатди - 1:3.

9 сентябрь, шанба
«Металлург» (Бекобод) – «Пахтакор» (Тошкент) 1:3
Ҳакамлар: В. Агишев (Тошкент), Т. Галеев (Тошкент), А.Пўлатов (Тошкент), Р. Лутфулин (Тошкент)
Назоратчи: С. Нажафалиев (Тошкент).
ЎзПФЛ вакили: А. Иноятов.

Голлар: 1:0 – Зоҳид Абдуллаев (17), 1:1 – Игорь Сергеев (19, пас – Суҳроб Нуруллоев), 1:2 – Игорь Сергеев (45+1), 1:3 – Достон Иброҳимов (90+5).

“Металлург”: 1. Зафар Сафаев, 2. Аброр Хусинов, 4. (с) Ҳикмат Ҳошимов, 6. Дилмурод Каримов (38. Муҳаммаджон Султонов, 50), 7. Дониёр Одилов, 8. Аюбхон Нўъмонов, 13. Санжар Қодирқулов, 14. Давронбек Каримқулов, 15. Зоҳид Абдуллаев, 22. Исломбек Исоқжонов, 70. Жаҳонгир Абдумўминов.

Заҳира: 25. Тимурбек Тўйчиев, 5. Жасур Аҳмедов, 16. Сирожиддин Аллаев, 26 Улуғбек Худоёров, 27. Муҳаммадодил Қаҳрамонов, 42. Худойшукур Сатторов.

“Пахтакор”: 12. Александр Лобанов, 5. Акбаржон Исматуллаев, 7. Азим Аҳмедов, 11. Игорь Сергеев (20. Жасурбек Ҳакимов, 81), 17. Сухроб Нуруллоев, 21. Камолиддин Тожиев, 29. Владимир Козак, 52. Гиди Канюк, 55. Марко Симич, 77. Тиаго Безерра (27. Достон Ибрагимов, 72), 80. Ростин Гриффитс.

Заҳира: 25. Элдорбек Суюнов, 8. Шерзодбек Каримов, 10. Жамшид Искандаров, 24. Давронбек Ҳошимов, 70. Шерзод Аъзамов.