Ўзбекистон U-23 Уммонга қарши учрашувга тайёргарликни бошлади
14 янв 2018 17:30
Новости

Ўзбекистон U-23 Уммонга қарши учрашувга тайёргарликни бошлади

Теги : Ўзбекистон U-23 U-23 Осиё чемпионати

Хитойда давом этаётган U-23 ёшлар ўртасидаги Осиё чемпионатида иштирок этаётган Ўзбекистон олимпия терма жамоаси бугун 3-тур учрашуви бўлиб ўтадиган Жиянгйин шаҳрига етиб борди.

Бугун Равшан Ҳайдаров шогирдлари Уммон олимпия терма жамоасига қарши ўйин олдидан ўзининг илк машғулотини ўтказди.

Таъкидлаш лозим, терма жамоа бугун тўлиқ таркибда машғулот ўтказди. Илк учрашувдаги жароҳати туфайли Хитойга қарши 2-турда майдонга туша олмаган терма жамоа ҳимоячиси Акром Комилов ҳам бугунги машғулотларда иштирок этди ва якка тартибда шуғулланди.

Эслатиб ўтамиз, Ўзбекистон ёшлари Хитойга қарши учрашувдаги ғалабадан сўнг, айни дамда турнир жадвалида 2-ўринда бораётган бўлса, Қатар ёшлар терма жамоаси иккита ғалабадан сўнг 6 очко билан турнир жадвалида пешқадам бўлиб турибди.

Уммон ёшлар терма жамоасига қарши "A" гуруҳи 3-туридан ўрин олган учрашув 15 январь куни ўтказилади. Учрашув Тошкент вақти билан соат 13:00да старт олади.