Олег Тюлькин: “Финал тақдири Самарқандда ҳал бўлади”
31 июл 2017 22:34
Новости

Олег Тюлькин: “Финал тақдири Самарқандда ҳал бўлади”

Ўзбекистон кубогининг дастлабки ярим финали доирасидаги “Бунёдкор” - “Динамо” (0:0) учрашувидан сўнг меҳмонлар устози Олег Тюлькин ўйин борасидаги фикрлари билан ўртоқлашди.

- Бугунги ўйин учун йигитларга раҳмат. Улар биз мураббийларнинг кўрсатмаларини тўлиқ бажаришди. Учрашув учун ҳимоядан ўйнаш, тартибли ҳаракат қилиш тактикаси танланган эди. Буни футболчилар уддалашди. Фақат ҳужум чизиғида озгина омадимиз келмади. Энди финал тақдири Самарқанддаги жавоб учрашувидан сўнг ҳал бўлади. Фурсатдан фойдаланиб, бугунги ўйинда йигитларимизни қўллаб-қувватлаб турган жамоамиз мухлисларига миннатдорчилик билдирмоқчиман.

- Ҳозирча ярим финал жавоб учрашувининг қачон ўтказилиши маълум эмас. Сиз учун ўша ўйиннинг шу бир ҳафтанинг ичида ўтказган афзалроқми ёки жамоангизнинг янги футболчилари тўлиқ клубга мослашиб кетган мавсум сўнггидами?

- Сиз тўғри таъкидладингиз, жамоамизнинг тўлиқ шаклланиб олиши учун озгина вақт керак. Жамоада потенциал юқори, фақат футболчиларнинг бир-бирларини тушуниб ҳаракат қилишларида камчиликлар бор. Бу ҳолат бугун ҳужум чизиғида ҳам кўзга ташланиб қолди. Акс ҳолда бугун Самарқандга ғалаба билан қайтишимиз ҳам мумкин эди.

Ссылка :

Источник : championat.asia

Получайте новости прямо в Telegram!

Рейтинг: +7