ОФК Саудия Арабистони компанияси билан йирик келишувга эришди
06 апр 2021 14:51
Новости

ОФК Саудия Арабистони компанияси билан йирик келишувга эришди

Ушбу келишув муддати 2021-2024 йилларни ўз ичига олади.

Гап шундаки, ОФК Саудия Арабистонининг "Saudi Sports Company" компанияси билан мусобақаларни трансляция қилиш бўйича келишув битими имзолади. Бунинг натижасида Саудия Арабистони компанияси терма жамоалар ва клублар ўртасидаги катта мусобақаларни олиб кўрсатиш ҳуқуқига эга бўлади.

Катта мусобақалар деганда Осиё Кубоги ва жаҳон чемпионати саралаш баҳслари, 2023 йил Хитойда бўлиб ўтадиган Осиё Кубоги мусобақаси ҳамда Осиё чемпионлар лигаси назарда тутилмоқда.

Бу ҳақда ОФК Бош котиби Дато Уиндсор Жон шундай деди: "Бу ОФК учун ажойиб келишув бўлди, негаки Саудия Арабистони қитъада энг нуфузли футбол мамлакатларидан бири ҳисобланади. Эндиликда Саудия Арабистонида миллионлаб мухлислар терма жамоалар ва клублар ўртасидаги ўйинларни бемалол кузатиш имконига эга бўлишади".

Маълумки, Саудия Арабистони қироллиги томонидан 2030 йилгача бўлган ривожланиш дастури ишлаб чиқилган. Телевизион ҳуқуқларни қўлга киритиш мана шу дастурнинг бир қисми ҳисобланади.

Ссылка :

Источник : the-afc.com

Получайте новости прямо в Telegram!

Рейтинг: -6