ОФК президенти Осиё футболи келажагига ишонади
02 июл 2014 15:57
Новости

ОФК президенти Осиё футболи келажагига ишонади

Бразилияда давом этаётган жаҳон чемпионатида Осиёдан тўртта жамоа қатнашди ва уларнинг ҳеч бири гуруҳдан чиқа олмади.

Бўлиб ҳам барча жамоалар ўз гуруҳларида охирги ўринни эгаллашди. Яхши биласиз, мундиалда қитъамиз шарафини Япония, Жанубий Корея, Эрон ва Австралия ҳимоя қилди.

ОФК президенти Шайх Салмон бин Иброҳим жамоаларнинг мусобақадаги иштирокига тўхталар экан, Осиё футболи келажагига ишонишини маълум қилди:

“Жаҳон чемпионатида қитъамиз жамоалари қайд этган натижа Осиё футболи учун дарс бўлиши керак. Бизда футбол кескин даражага кўтарилгани йўқ, бироқ секин-асталик билан ривожланиб боряпмиз. Тўртта жамоа ҳам мундиалда ўз имконияти даражасида ўйин кўрсатди, бироқ астойдил ишласак ўсишга эришамиз”.

“Биз ўйин услубини янги босқичга кўтаришимиз керак. Мен Осиё футболининг келажагига ишонаман. Бизда салоҳият бор ва ўйлайманки, жаҳон чемпионатида қатнашган жамоалар Осиё Кубоги-2015да янада чиройли ўйин кўрсатишади”.

Ссылка :

Источник : championat.asia

Получайте новости прямо в Telegram!

Рейтинг: