ОФК президенти футзал бўйича Ўзбекистон терма жамоасини табриклади
24 фев 2016 20:32
Новости

ОФК президенти футзал бўйича Ўзбекистон терма жамоасини табриклади

Осиё футбол конфедерацияси президенти Шайх Салмон ибн Иброҳим Оли Халифа Ўзбекистон Футбол Федерацияси президенти Мираброр Усмонов номига футзал бўйича Ўзбекистон терма жамоаси Жаҳон чемпионати йўлланмасини қўлга киритгани муносабати билан табрикнома йўллади.

“Ўзбекистон Футбол Федерациясини футзал бўйича Ўзбекистон терма жамоасининг Колумбияда бўлиб ўтадиган Жаҳон чемпионатига йўлланмани қўлга киритгани билан самимий муборакбот этишдан бахтиёрман.

Мусобақа давомида кўрсатган ажойиб ўйинлари учун терма жамоангиз футболчилари ҳамда мураббийлар штабига ҳам табрикларимни етказиб қўясиз, деган умиддаман.

Ўзбекистон футзал бўйича Осиё чемпионатини муваффақиятли тарзда ўтказди. Шу муносабат билан мен маҳаллий ташкилотчиларга ва Ўзбекистон Футбол Федерациясига Жаҳон даражасидаги мусобақани ташкил қилишдаги жонбозликлари ва меҳнатлари учун ҳам миннатдорчилик билдираман.

Футзал бўйича Ўзбекистон терма жамоасига эса Жаҳон чемпионатига муносиб тайёргарлик кўришларини тилайман. Аминманки, Ўзбекистон ҳамда Жаҳон чемпионатида қитъамиз шарафини ҳимоя қиладиган қолган тўрт жамоа Колумбияда бутун Осиё фахрланадиган ўйинлар намойиш қилади”, — дейилади Осиё Футбол Конфедерацияси президенти томонидан юборилган табрикномада.

Ссылка :

Источник : the-uff.com

Получайте новости прямо в Telegram!

Рейтинг: +3