ОФК ПФЛга Ўзбекистонда аниқлаган бир нечта келишилган ўйинларга доир ҳисоботни юборди

PDF форматидаги ҳисоботда бир нечта ўйин аниқ кўрсатилган ва ўша баҳсларда учрашув натижаси айнан қайси жамоа томонидан белгилангани қизил ранг билан ажратиб қўйилган. 

Ҳозирча бу хабар борасида ПФЛ хеч қандай чора кўрмаган, чунки исбот йўқ. 

Энг ачинарлиси шундаки, асосий келишилган учрашувлар Суперлиганинг қуйи олтилик вакилларига тегишли. Ҳозирча номини сир сақлаб туришимиз керак бўлган жамоанинг ўзида 7та келишилган ўйин аниқланган бўлиб, бу ОФКнинг диққатини тортган. Шу ўринда ҳали аниқланмаганлари сони нечта эканлигини башорат қилиш қийин. 

ОФК бу хулосага қандай келгани бизга маълум эмас. Умид қиламизки, ПФЛ бу хатни беэътибор қолдирмайди ва шу ишга қўл урган клубларни суриштириб исботлай олса жиддий чора кўради, зеро клублар янги мавсумда яна шу ишни такрорламасин.