ОФК кубоги-2021. "Олой" бош мураббийи: "Биринчи таймда "Насаф"га қарши яхши ўйнадик"
14 мая 2021 19:53
Новости
ОФК кубоги-2021. "Олой" бош мураббийи: "Биринчи таймда "Насаф"га қарши яхши ўйнадик"
"Ўйиндан олдин бугунги рақибимиз кучли эканлигини таъкидлагандим, биринчи таймда ўйинимиз яхши чиқаётганди, аммо иккинчи таймда ҳимоядаги ўзимиз қилган хатолардан кейин иккита гол ўтказдик. Такрорлайман "Насаф" кучли жамоа.
Таркибимизда кўп футболчилар ёш ва бундай даражадаги халқаро мусобақада биринчи бор ўйнашди. Тўпни ўзимизда сақлаб туришга уриндик, ҳаракат қилдик, аммо ҳисоб йирик бўлганди. Мана шундай ўйинлар орқали тажриба тўпланади. Сўнгги йилларда "Олой" ОФК кубогида иштирок этиб келаётганди, аммо бу йилги таркибимиз янгиланди ва буткул янги жамоага айланди. Мана шу майда деталлар ҳисоб йириклашиб кетишига сабаб бўлди.
Биринчи таймда футболчиларим барча кўрсатмаларни бажаришга уринишди. Иштиёқ ва ҳаракат эвазига яхши ўйнадик. Аммо бундай ўйинларда тажриба тўпланади. Биринчи таймда "Насаф" ҳужумлар қилди, гол уришга уринди, биз ҳимояда яхши ҳаракат қилдик. Голга сабаб бўлган иккита хатодан кейин йигитлар ўзларига бўлган ишончни йўқотиб қўйишди ва натижа шундай бўлди", - дейди Нўъмонжон Юсупов.
Толибжон Қосимов
Душанбе, Тожикистон

Похожие новости
championat.asia
U-17 ЖЧ. Ўзбекистон Панама дарвозасига 6 та тўп йўллади
Шавкат Мирзиёев Янги Тошкентда барпо этиладиган 55 минг ўринли стадион қурилишига тамал тоши қўйди
"Нефтчи" чемпион бўлган охирги мавсумда ўзбек ва дунё футболи қандай эди?
Эшитдик-да! Кападзе Индонезия терма жамоаси бош мураббийи бўлишга яқин
Комментарии