ЎФФ президенти Умид Аҳмаджонов Фарғона вилоятига ташриф буюрди ФОТО

“Истиқлол” стадионида яратилган шарт-шароитлар ЎФФ президенти томонидан юқори баҳоланди. ЎФФ президенти Умид Аҳмаджонов Фарғонага ташрифи доирасида вилоят  футбол федерацияси фаолияти билан ҳам танишди. 

ЎФФ президенти “Нефтчи” ПФК қошидаги аёллар жамоаси футболчилари билан учрашиб, уларга тўплар совға қилди.

Бундан ташқари Умид Аҳмаджонов "Нефтчи" ёшлар жамоаси аъзолари билан ҳам учрашди.

ЎФФ президенти Умид Аҳмаджонов ташриф давомида “Нефтчи” ПФК академияси тарбияланувчилари билан учрашди ва Умид Аҳмаджонов "Нефтчи" ПФК академияси тарбияланувчиларига тўплар совға қилди.

ЎФФ президенти Умид Аҳмаджонов бошчилигида Фарғона вилояти футбол федерациясида йиғилиш бўлиб ўтди. Йиғилишда Фарғона, Наманган ва Андижон вилояти футбол федерацияси ходимлари ҳамда ЎФФ масъуллари иштирок этди. Умид Аҳмаджонов йиғилиш давомида футбол федерациялари масъулларига водийда футболни ривожлантириш бўйича тегишли кўрсатмалар берди.

Йиғилишда Тошкент шаҳри ФФ вице-президенти Нодирхўжа Юлдашев “Олтин Водий” дастури доирасидаги режалар ҳақида сўз юритди.

Манба: ЎФФ матбуот хизмати