ЎФАда вице-президент ўзгарди
01 фев 2018 19:03
Новости

ЎФАда вице-президент ўзгарди

2018 йил 1 февраль куни Ўзбекистон Футбол Ассоциациясида ЎФА Президенти А.Ж.Раматов бошчилигида йиғилиш бўлиб ўтди.

Бу ҳақда ЎФА матбуот-хизмати хабар бермоқда.

Маълум бўлишича, ушбу йиғилишда 2018 йил 25 январь санасида бўлиб ўтган навбатдан ташқари Конференцияда баён қилинган масалар атрофлича муҳокама қилинди.

Йиғилишда ташкилий масала ҳам кўриб чиқилди. Конференцияда ЎФА вице-президенти лавозимига тайинланган Шерзод Тошматов спортнинг бошқа соҳасида ўта бандлиги, унга ишонилган янги жойда ишлаши учун вақт етишмаслиги туфайли ўз аризасига биноан ЎФА вице-президенти лавозимидан кетди. Унинг ўрнига ЎФА вице-президенти лавозимига «Ўзбекистон темир йўллари» акционерлик жамияти бошқаруви раиси маслаҳатчиси Сагдуллаев Фазлитдин Фатхуллаевич тайинланди - дейилади ЎФА расмий сайтида берилган хабарда.

Ссылка :

Источник : Championat.asia

Получайте новости прямо в Telegram!

Рейтинг: -80