ЎФАда Ҳакамлар бўйича экспертлар гуруҳи ташкил этилди

Ушбу экспертлар гуруҳини ташкил этишдан асосий мақсад, Суперлига, Про-лига ҳамда ЎФА томонидан ташкил этилаётган учрашувларни бошқарувчи ҳакамларнинг савиясини ошириш, уларнинг ўйин давомидаги хатоларини камайтириш, ноҳалол ҳакамликни олдини олишдир.

Экспертлар гуруҳи аъзолари этиб Бобур Ҳайдаров, Александр Попов, Фарҳод Абдуллаев, Марат Исмоилов, Арслон Ҳотамов, Бахтиёр Тоғаев, Равшан Эрматовлар тайинланишди.

Тез орада мухлислар ва ҳакамлар орасида интерактив алоқани йўлга қўйиш мақсадида янги платформа ишга туширилиши мўлжалланган. Ушбу платформа орқали мухлислар экспертларга бўлиб ўтган ўйинлардаги вазиятлар, ҳакамларнинг ҳатти-харакатлари борасида саволлар ва таклифлар билан мурожаат қилишлари ва тегишли жавоблар олишлари мумкин бўлади.