ЎФАда 14-16 май кунлари футбол академиялари директорлигига номзодлар билан суҳбатлар уюштирилади
11 мая 2018 18:27
Новости

ЎФАда 14-16 май кунлари футбол академиялари директорлигига номзодлар билан суҳбатлар уюштирилади

Теги : ЎФА

Ўзбекистон Республикаси Президентининг 2018 йил 16 мартдаги ПҚ-3610-сонли “Футболни янада ривожлантириш чора-тадбирлари тўғрисида”ги қарори бандларига асосан, республикамизда болалар ва ўсмирлар футбол академияларини ташкил этиш юзасидан Ўзбекистон футбол Ассоциацияси томонидан бир қатор ишлар амалга оширилмоқда.

Янги ташкил этилаётган болалар ва ўсмирлар футбол академияларига ёш авлод ўртасида футболга бўлган иштиёқни ошириш, профессионал футболчиларни босқичма-босқич тайёрлаш ва Ўзбекистон миллий терма жамоаларига ҳамда профессионал футбол клубларига номзодларни етказиб бериш, ўзбек футболини янги босқичга олиб чиқиш вазифалари юклатилган.

14-16 май кунлари Ўзбекистон футбол Ассоциациясининг мажлислар залида ҳудудий футбол академияларининг директорлик лавозимларига номзодлар билан суҳбатлар ташкил қилинади. Суҳбат давомида академияларнинг иш фаолиятини ташкил этиш бўйича режалар, профессионал футболчиларни етиштириш борасидаги амалга оширилиши кутилаётган янги чора-тадбирлар, футбол академияларида татбиқ қилинадиган янги ўқитиш тизимлари муҳокама қилинади.

Ссылка :

Источник : the-uff.com

Получайте новости прямо в Telegram!

Рейтинг: +5