ЎФА терма жамоалар бўлими собиқ раҳбари: "Қозоғистон билан ўртоқлик учрашуви бўйича музокаралар олиб борилган эди, аммо..."
01 окт 00:34
Новости

ЎФА терма жамоалар бўлими собиқ раҳбари: "Қозоғистон билан ўртоқлик учрашуви бўйича музокаралар олиб борилган эди, аммо..."

ЎФА терма жамоалар бўлими собиқ раҳбари Шерзод Игамбердиев Қозоғистонга қарши ўтказилиши керак бўлган баҳс бўйича изоҳ берди.

"Қозоғистон терма жамоаси билан ноябрда ўртоқлик учрашувини ўтказиш бўйича музокаралар олиб борилган эди, аммо ўйин ўтказиладиган стадион масаласида келиша олмадик. Ўйлайманки, бу фақат вақт масаласи. Қозоғистон футбол федерацияси раҳбари ўйин ҳақида олдиндан гапириб юборгани сабабли учрашув бекор қилинди деган хабарлар умуман ҳақиқатга тўғри эмас. Катта эҳтимол, Қозоғистонда маҳаллий журналистлар билан алоқаси бўлган инсон нотўғри маълумот тарқатган.
Умуман олганда, Қозоғистон билан алоқаларимиз яхши. Мисол учун, айни дамда UEFA Assist лойиҳаси устида бирга иш олиб бормоқдамиз," - дея ёзмоқда Шерзод Игамбердиев ижтимоий тармоқдаги саҳифаларидан бирида.