Одил Исабоев: “Машъал” ноқулай рақиблардан бири"

 Ўйин арафасида мезбонлар мураббийларидан бири Одил Исабоев рақиб ҳақида ўз фикрларини билдирди.

- Қашқадарё вилояти жамоалари орасида биз учун энг ноқулай рақиблардан бири бу “Машъал” жамоасидир. Ҳар сафар муборакликларга қарши ўйинимиз қийин кечган. Бу галги учрашув ҳам осон бўлмайди. Биринчи даврадаги Муборакдаги ўйинда биз биринчи бўлиб ўз дарвозамиздан тўп ўтказиб юборган бўлсак-да, якунда иккита тўп фарқи билан ғалаба қозонгандик. Муборакликлар иккинчи даврани ҳам ўз майдонларида мағлубият билан бошлашди. Бу эса “Машъал”нинг Бекободда бизга қарши икки ҳисса куч билан ўйнашини англатади.

Ўйин “Металлург” учун ҳам жуда муҳим. Олдинги турда Жиззахда дуранг ўйнаб, очко йўқотдик. Биз билан турнир жадвалида олдинма кетин бораётган жамоалар эса ғалабага эришишди. Шу маънода “Машъал”га қарши ўйинда юз фоизлик натижага эришмасак бўлмайди, дейди Одил Исабоев.