Одил Аҳмедов мухлислари билан учрашди
12 дек 2017 16:42
Новости

Одил Аҳмедов мухлислари билан учрашди

Наманган шаҳридаги 12-умумтаълим мактабида футбол бўйича Ўзбекистон терма жамоаси аъзоси Одил Аҳмедов билан учрашув бўлиб ўтди

Мактаб ёшларининг кўпчилиги дарсдан ташқари тўгаракларда футбол билан мунтазам шуғулланади. Яқинда ўтказилган «Умид ниҳоллари» спорт мусобақасининг шаҳар босқичида таълим маскани жамоаси биринчи ўринни қўлга киритиб, вилоят босқичига йўлланма олди.

Одил Аҳмедов ўқувчиларга ўзининг футболга кириб келиши, мураббийлари, терма жамоамиз, миллий чемпионатимиз ҳақидаги фиклари, шунингдек, ўзи ташкил этган футбол академияси хусусида сўзлаб берди. Футболнинг чинакам мухлислари ушбу учрашувдан катта тассурот олди.