Одил Аҳмедов: “Ҳисобни очиб олсак, ишимиз енгиллашади”
23 мар 2016 10:27
Новости
![](https://championat.asia/upload/storage/202306_original.jpg)
![](/upload/storage/202306_220.jpg)
Одил Аҳмедов: “Ҳисобни очиб олсак, ишимиз енгиллашади”
Шу кунларда терма жамоамиз тўлиқ таркибда машғулотларда иштирок этяпти. Биз кечаги машғулотдан сўнг терма жамоа сардори Одил Аҳмедовдан интервью олдик. Таъкидлаш жоиз, Аҳмедов, Денисов ва Рашидов терма жамоа йиғинига айнан сешанба кунидан қўшилишди.
- Одил, Филиппинга қарши кечадиган ўйинга тайёргарлик қандай давом этяпти?
- Ҳар галгидек юқори кайфиятда тайёргарлик кўряпмиз. Денисов билан бирга кеча Москвадан учиб келдик. Якшанба куни премьер-лига доирасида ўзаро ўйинимиз бор эди. Шу учрашувни ўтказиб, Тошкентга бирга қайтдик. Ҳамманинг кайфияти аъло даражада. Ўйлайманки, олдимизда турган икки учрашувда ғалаба қозониб, мухлисларни хушнуд қиламиз. Олдимизга мана шу ўйинларда олти очкони қўлга киритиш вазифаси қўйилган.
- Сафардаги ҳар икки ўйинда Баҳрайн ҳамда Филиппинни йирик ҳисобда мағлуб этдинглар. Нима деб ўйлайсиз, бу ҳолат футболчиларимизнинг бироз ҳотиржамликка берилишига сабаб бўлмайдими?
- Асло йўқ. Бу футбол, унда ҳар қандай натижа қайд этилиши мумкин. Сўнгги пайтларда кутилмаган натижаларга кўп бор гувоҳ бўляпмиз. Ўзи аслида уйда ўйнашдан кўра сафарда ўйнаш осонроқ кечади. Меҳмон жамоа биринчи галда эътиборини ҳимояга қаратади. Бундай ҳолатда ҳимоя қўрғонини ёриб ўтиш қийин бўлади. Менимча, Филиппин билан ўйинда ёпиқ футбол бўлади. Бир сўз билан айтганда, бизни қийин ўйин кутиб турибди. Ҳисобни имкон қадар тезроқ очиб олсак, ишимиз анча енгиллашади.
Камолиддин Алимов суҳбатлашди
Похожие новости
![AMP Logo](https://championat.asia/image/logo-amp.png)
Комментарии