ОЧЛ қандай давом этади, Ўзбекистондаги Осиё чемпионати бўладими?
17 апр 2020 17:01
Новости

ОЧЛ қандай давом этади, Ўзбекистондаги Осиё чемпионати бўладими?

Мазкур саволга ойдинлик киритиш мақсадида, ОФКда фаолият юритаётган ҳамюртимиз, Аваз Бердиқулов билан боғландик.

Бизни қизиқтирган асосий савол, бу юртимизда бўлиб ўтиши керак бўлган ёшлар ўртасидаги Осиё чемпионати ўйинларидир.

Маълум бўлишича, ОФК ёшлар ва ўсмирлар ўртасидаги Осиё чемпионатлари борасида кўнгли тўқ. Куз фаслига келиб пандемиянинг асоратлари қолмаслиги умидида, тақвимга ўзгартириш киритилмайди.

Катта масала ОЧЛ атрофида юзага келган. Айни пайтда ОФКнинг мусобақалар ўтказиш бўлими пандемиянинг тугашига қараб, 3 хил вариантни ишлаб қўйган. Яъни, июль, август ва сентябрь ойида давом эттиришга тўғри келадиган бўлса, 3 хил кўриниш мавжуд.

Катта эхтимол билан ОЧЛ ўйинлари июнь ойигача бўлиб ўтмайди. Бу ерда касаллик кетишидан ташқари, авиқатновларни очилиши ва миллий чемпионатларни бошланишига ҳам қаралади. Чунки жамоалар машғулотсиз ОЧЛда қатнашиб кета олмайди.

Ссылка :

Источник : championat.asia

Получайте новости прямо в Telegram!

Рейтинг: +9