ОЧЛ финалини кўриш учун ПФЛ Бош директори Японияга учиб кетди
23 ноя 2017 13:08
Новости

ОЧЛ финалини кўриш учун ПФЛ Бош директори Японияга учиб кетди

Маълумки, 25 ноябрь куни Осиё чемпионлар лигасининг финалидан ўрин олган иккинчи учрашув бўлиб ўтади. Япониянинг Сайтама шаҳрида кечадиган баҳсда "Урава Редс" Саудия Арабистонининг "Ал Ҳилол" клубини қабул қилади.

Хабарингиз бор, Ар Риёдда кечган биринчи ўйинда 1:1 ҳисоби қайд этилган. Финалнинг ҳал қилувчи ўйинини кўриш мақсадида кеча ПФЛ Бош директори Омон Ғофуров Япония томон учиб кетди. Демак, учрашувни ПФЛ раҳбари ҳам бевосита стадионда кузатади.

Эслатиб ўтамиз, мазкур баҳсни ўзбекистонлик ҳакамлар бригадаси бошқариб боради. Бош ҳакам - Равшан Эрматов. Унга қанотларда Абдулҳамид Расулов билан Жаҳонгир Саидов ёрдам беришади. Маъмур Саидқосимов эса захира ҳаками вазифасини бажаради. Бундан ташқари, бу ўйинда дарвозалар ортида ҳам ҳакамлар ишлайди. Улар - Валентин Коваленко ва Илгиз Танташев.

Ссылка :

Источник : championat.asia

Получайте новости прямо в Telegram!

Рейтинг: -37