ОЧЛ-2018. "Локомотив"нинг икки рақиби умумий 11:0 ҳисобида ғолиб бўлди

Куни кеча ушбу гуруҳдан жой олган клублар маҳаллий кубоклар доирасида ўйинлар ўтказишди.

Қатарнинг "Ал Дуҳайл" клуби Қатар Юлдузлар кубоги гуруҳ босқичи доирасида сафарда "Ал Хор" билан ўйнади. Учрашувда Жамол Белмади бошчилигидаги меҳмонлар 8:0 ҳисобида зафар қучишди. Юсуф Эл Араби олтита гол уришга муваффақ бўлди.

"Ал Хор" - "Ал Дуҳайл" 0:8
Голлар: Юсуф Эл Араби 3, 21, 26, 45, 61, 81, Муҳаммад Муса 17 пенальти, Аҳмад Муҳаммад Ёсир 49
"Ал Дуҳайл": Халифа Абабакар, Даме Траоре, Лукас Мендес, Муҳаммад Муса (Нур Раҳмон, 69), Мурад Нажи, Нам Таэ Хи, Луис Сеара, Одил Бадир, Али Ҳассан Афиф (Раб Буссафи, 69), Юсуф Эл Араби, Аҳмад Муҳаммад Ёсир.

"Локо"нинг яна бир рақиби "Ал Ваҳда" БАА кубогида ўз уйида "Ал Васл"ни қабул қилиб 3:0 ҳисобида зафар қучди. Аргентиналик ҳужумчи Себастьян Тальябу хет-трикка эришди.

"Ал Ваҳда" - "Ал Васл" 3:0
Голлар: Себастьян Тальябу 51, 55, 76
"Ал Ваҳда": Рашид Али, Рм Чанг Ву, Муҳаммад Салим (Муҳаммад Абдулбосит, 46), Салим Султон Ал Шаржи, Холид Иброҳим, Балаж Джуджак, Султон Ал Гафери, Тариқ Аҳмад (Муҳамад Ал Акбари, 76), Муҳаммад Ал Шеҳи (Холид Бавзир, 46), Себастьян Тальябу, Мурад Батна