"Обод" - "Қўқон-1912" учрашувига оид маълумотлар

"Обод" индинга, 10 март куни 2-тур доирасида "Қўқон-1912" жамоасига қарши майдонга чиқади. "Жар" стадионида бўлиб ўтадиган беллашув 16:00да бошланади. Эртага клубларнинг ўринбосарлар таркиби ўзаро ҳисоб-китоб қилади. Мазкур беллашув ҳам 16:00да старт олади. Ўйин "Обод" майдонида бўлиб ўтади.

Айтиш керак, жамоаларнинг ҳар иккала таркиби ҳам қандай рангдаги либосларда тўп суришлари маълум бўлди. Эртага бўлиб ўтадиган ўринбосарлар баҳсида меҳмонларимиз кўк, ёшларимиз оқ рангдаги либосларда ҳаракат қилади. Асосий таркиб аъзолари аксинча, "Қўқон-1912" оқ, "Обод" аъзолари кўк рангдаги либосларда тўп суради.

Маълумот ўрнида айтиб ўтамиз, "Спорт" телеканали "Жар" стадионида бўлиб ўтадиган "Обод" - "Қўқон-1912" жамоалари ўртасидаги учрашувни жонли эфирда олиб кўрсатишни режалаштирган.