"Обод". "Махтаарал"ни мағлубиятга учратдик
10 янв 2017 23:23
Новости

"Обод". "Махтаарал"ни мағлубиятга учратдик

Бугун жамоамиз янги мавсумга тайёргарлик жараёнидаги илк ўртоқлик учрашувини ўтказди.

Қозоғистоннинг "Махтаарал" клубига қарши назорат баҳси голларга бой ўтиб, беллашувда жамоамиз ғалаба нашидасини сурди. Айтиш керак, "Обод" мураббийлар штаби мазкур ўйинда кўрикдан ўтаётган футболчиларнинг хизматидан фойдаланди. Ҳисобни Анвар Раҳимов пенальтидан унумли фойдаланган ҳолда очди. Шундан сўнг, Ҳумоюн Абдуалимов ва Санжар Тўрақулов меҳмонлар дарвозасини яна икки бор ишғол қилди. "Махтаарал" аъзолари вакилларимизнинг уч голига икки тўп билан жавоб қайтарди. Шу тариқа учрашув жамоамизнинг ғалабаси билан якунланди.

Эслатиб ўтамиз, жамоамиз навбатдаги назорат учрашувини 14 январь куни "Пахтакор"га қарши ўтказади.

ЎРТОҚЛИК УЧРАШУВИ

ОБОД - МАХТААРАЛ - 3:2 (2:1)

10 январь. "Обод" майдони.

Бош ҳакам: Дмитрий Пислегин.

Голлар: Анвар Раҳимов, Ҳумоюн Абдуалимов, Санжар Тўрақулов.

Ссылка :

Источник : fcobod.uz

Получайте новости прямо в Telegram!

Рейтинг: +6