ОАВ вакиллари диққатига!
10 авг 2021 19:22
Новости

ОАВ вакиллари диққатига!

Хабарингиз бор, футзал бўйича Ўзбекистон миллий терма жамоаси Литвада ўтадиган 2021 йилги жаҳон чемпионатида иштирок этади.

"Футзал терма жамоамиз 13 август санасида Тошкентдаги машғулотларни якунлаб, Мадрид ва Порту шаҳарларида ўтадиган хорижий йиғинга йўл олади.

Футзалчиларимиз мазкур йиғинлар давомида Испания, Португалия, Аргентина каби дунёнинг етакчи терма жамоалари билан ўртоқлик учрашувлари ўтказади. Шундан сўнг вакилларимиз жаҳон чемпионатида иштирок этиш учун Литва пойтахти Вильнюс шаҳрига етиб боради.

Мундиал сафари олдидан ЎФА мажлислар залида бош мураббий Баҳодир Аҳмедов ҳамда футзалчилар иштирокида матбуот анжумани ташкил этилади. Анжуман 12 август куни соат 14:00 да бошланади.

Матбуот анжуманига барча турдаги ОАВ вакилларини таклиф этамиз", – ЎФА матбуот хизмати.

Ссылка :

Источник : ЎФА матбуот хизмати

Получайте новости прямо в Telegram!

Рейтинг: +6