ОАВ Роналдунинг ҳеч қачон "Манчестер Сити"га ўтмаслиги тўғрисида айтган гапларини ёдга олди

Порталнинг қайд этишича, футболчи ҳеч қачон "шаҳарликлар" таркибига ўтмасликка ваъда берган, чунки у 2003–2009 йилларда жамоанинг асосий рақибларидан бири ҳисобланган "Манчестер Юнайтед"да ўйнаган.

"Манчестер Сити"га ҳеч қачон ўтмайман. "Сити"да иқтидорли футболчилар кўп ва улар "Манчестер Юнайтед", "Арсенал" ва "Челси" учун муаммо туғдириши мумкин. Лекин бу мени безовта қилмайди. Менга "Реал"да ўйнаш қизиқроқ", — деган португалиялик футболчи 2009 йилда Мадрид клубига ўтгандан кейин.

Чемпионлар лигасида "Манчестер Юнайтед"га қарши ўйиндан олдин ҳам Роналду "Манчестер Сити"га ўтиши мумкинлиги тўғрисидаги саволларга жавоб берди.

"Мен бундай қилмайман. Нима учун? Чунки "Манчестер Юнайтед" юрагимнинг бир парчаси. Сизнингча, пул фикримни ўзгартирадими? Бундай деб ўйламайман. Менда пулдан муаммо йўқ. Агар пулга ўч бўлганимда, Қатарга борардим. Эҳтимол, у ерда "Манчестер Сити"дан кўра кўпроқ маблағга эга бўлардим. Гап пулда эмас, иштиёқда", — деган футболчи.

Эслатиб ўтамиз, португалиялик футболчи 2018 йилдан буён "Ювентус" таркибида тўп суради. Унинг туринликлар билан шартномаси 2022 йилнинг ёзигача амал қилади. Роналду "кекса сеньорлар" сафида жами 134 та ўйин ўтказиб, 101 та гол урган.