Нукусда мураббийлар курси
18 окт 2014 12:49
Новости

Нукусда мураббийлар курси

Кейинги йилларда Қорақалпоғистон республикасида футбол бўйича болалар мураббийларининг малака ва тажрибасини ошириш мақсадида тегишли тадбирлар амалга ошириляпти.

Ўз навбатида мураббийлар ўртасида семинар ва ўқув курслари ташкил этилмоқда. Бу ҳол ижобий самарасини бераётир.

Бугун Нукус шаҳрида навбатдаги беш кунлик “С” тоифасидаги лицензия учун мураббийлар тайёрлов курси ниҳоясига етди. Унда Қорақалпоғистон республикасининг шаҳар ва туманларининг 27 нафар болалар мураббийлари иштирок этишди. Амалий ва назарий машғулотлар асосан, шаҳардаги Нукус спорт коллежи базаси ва “Турон” ўйингоҳида олиб борилди.

Мазкур курс ишига Осиё футбол конфедерацияси инструктори Шавкат Имомов раҳбарлик қилди. Унга Қорақалпоғистон республикаси футбол федерацияси мутахассиси Ўнгарбой Жалимов координатор сифатида ёрдам берди.

Икром ХУДОЙБЕРГАНОВ.

Ссылка :

Получайте новости прямо в Telegram!

Рейтинг: