Нўъмон Ҳасанов: "Бугунги ғалабада Бабаяннинг ҳиссаси катта"

"Аввало жамоамизнинг барча мухлисларини ғалаба билан табриклайман. Ўйин жуда жанговор руҳда ўтди. Футболчилар яхши ҳаракат қилишди ва ғалабани қўлга киритдик. Менга ҳисоб жуда ёқди. Сабаби бу бизга уч очкони олишимизга етарли бўлди. Ҳали чемпионат олдинда ва ҳозирдан бир нима дейиш қийин. Бизни қийин ўйинлар кутиб турибди. "Локомотив" жуда кучли жамоа. Уларнинг кўплаб футболчилари терма жамоа футболчилари ҳисобланишади. Шу боисдан бугун уларга қарши қарши ҳужум тактикасида ўйнадик", - дея гап бошлади Нўъмон Ҳасанов.

- Самвел Бабаян МТЖга кетган бўлса ҳам "Пахтакор" билан алоқаси борлигини биламиз. Бугунги ўйин олдидан Самвел Бабаян жамоага керакли маслаҳатлар бердими? Умуман унинг бугунги ғалабага ҳиссаси бор еб ўйлайсизми?

- Ҳа, албатта. Бугунги ғалабада Самвел Бабаяннинг ҳиссаси катта. Чунки Бабаяннинг тажрибаси катта ва бу нарса бизга асқотади. Бабаян бизга маслаҳат бериб туради. Лекин барибир якуний қарорни ўзим қабул қиламан.