Нима учун Равшан Эрматов финални бошқариши керак?

Истаймизми, йўқми ҳакамлар хам хато қилишади. Ахир, улар ҳам инсон. Видеотакрорлар амалда қўлланилмагунча ҳакамлик муаммоси юзага чиқаверади.
Пьерлуижи Коллинадек юлдуз ҳакамлар эса айни пайтда деярли йўқ. Шу сабабли, нега айнан Эрматов финал ўйинини бошқариши лозимлиги ҳақида фикр юритиб ўтишга қарор қилдик. 

Биринчидан, 36 ёшли ҳакамнинг тажрибаси. У жудаям ёш пайтидан бошлаб Осиё миқёсидаги мусобақаларни, ёшлар ўртасидаги жаҳон чемпионати учрашувларида ишлаган.

Иккинчидан, унинг камтарлиги. Ҳар ким ҳам Равшан каби ўз хатоларини тан олавермайди. У тик туриб ҳали ўрганадиган нарсалари кўп эканлигини айтиб ўтган. 

Масалан, очилиш ўйинини бошқарган япониялик ҳакам Юичи Нишимура. Деян Ловрен ва Фред ўртасидаги тўқнашувни эслайсизми? Бу масалада япониялик ҳакам томонидан ҳеч қандай тушунтириш берилмади. Бундан ташқари, ЖЧ саралашидаги Ўзбекистон ҳамда Эрон терма жамоалари ўртасидаги ҳисобга олинмаган гол. Умуман олиб айтганда, Осиёда 2012 йилнинг энг яхши ҳаками унвони ҳам Эрматовга берилиши керак бўлганлиги айтилади. Лекин, ҳурмат юзасидан ўшанда Нишимурага берилган. Шундай бўлсада мен айтаман: Эрматов - Осиёнинг 5 карра энг яхши ҳаками. Ўйлайманки, у ўша йили  ушбу унвонни қўлга кирита олмаганидан ҳафа бўлмаган.

Бундан ташқари, Эрматов Италиянинг Бразилия терма жамоаси дарвозасига киритган голини ҳисобга олишда хатоликка йўл қўйганлигини ҳам тан олган.




Учинчидан, мутахассисларнинг эътирофи. Барча экспертлар ва собиқ ҳакамлар Эрматовнинг ишларини юқори бахолашмоқда. Айни пайтда ҳакам worldreferee.com сайти томонидан ҳисоблаб бориладиган рейтингда биринчи ўринда кетмоқда ва финал ўйинини бошқариш учун имкониятлари юқори. У ЖЧларда ўйинларни бошқариш бўйича рекорд ўрнатишга ҳам улгурган! Тўққизта ўйин!





sports.ru сайтидан Азиз Тўхтамуродов таржимаси