"Нефтчи" сафига россиялик ҳимоячи келиши мумкин
03 июл 2014 16:40
Новости
![](https://championat.asia/upload/storage/134942_original.jpg)
![](/upload/storage/134942_220.jpg)
"Нефтчи" сафига россиялик ҳимоячи келиши мумкин
Танаффусга 10-ўринда чиқиб кетган "Нефтчи" иккинчи даврада янада юқори ўринларга чиқиш учун давралар оралиғида таркибини кучайтириши кутилмоқда.
Кеча сайтимизда хабар берганимиздек, россиялик Левани Гвазава фарғоналиклар билан алоқани узган. Эндиликда "Нефтчи"да легионерлардан биргина Александру Оника бор. Тасдиқланмаган маълумотларга кўра, Мурод Исмоилов ҳимоя чизиғини янада кучайтириш мақсадида икки нафар хорижлик футболчини таркибга жалб этишни режалаштирган. Улардан бири мухлисларга яхши таниш бўлган нигериялик Девид Ония бўлса, иккинчиси россиялик исми шарифи сир тутилган футболчидир. Хабарингиз бўлса, Ониянинг "Нефтчи" билан амалда шартномаси бор. Агарда у Футбол-МЕД кўригидан ўта олса, иккинчи даврадан майдонга туша бошлайди.
Россиялик футболчини эса мураббий Андрей Фёдоров олиб келиши кутилмоқда. Маълумотларга кўра, Андрей Витальевич биринчи даврадан сўнг Москвага бориб келиш учун жўнаб кетган. "Нефтчи" мураббийи у ердан ўзи билан бирга битта ҳимоячини олиб келиш эҳтимоли бор. Айтишларича Фёдоров 5 июль куни юртимизга қайтиб келади.
Россиялик футболчини эса мураббий Андрей Фёдоров олиб келиши кутилмоқда. Маълумотларга кўра, Андрей Витальевич биринчи даврадан сўнг Москвага бориб келиш учун жўнаб кетган. "Нефтчи" мураббийи у ердан ўзи билан бирга битта ҳимоячини олиб келиш эҳтимоли бор. Айтишларича Фёдоров 5 июль куни юртимизга қайтиб келади.
![AMP Logo](https://championat.asia/image/logo-amp.png)
Комментарии