"Нефтчи" қароргоҳидан янгиликлар

Олинган маълумотларга кўра Муқимжон Тошматов, Элдор Бойматов, Мирзакамол Камолов бугун "Нефтчи" йиғинига келиб қўшилади. Камолов мавсумни фарғоналиклар сафида тугатганди ва куни кеча “Бухоро”га ўтмоқчи экани ҳақида интервью берганди. Бироқ шанба куни Тошкентга келган Амет Мемет футболчини клубда қолишга кўндирган.

Олий лигада бир неча мавсум ўйнаган Муқимжон Тошматов бу йил биринчи лиганинг “Косонсой” клубида ўйнади. Элдор Бойматов эса мавсумни “Насаф”да бошлаб “Қизилқум”да якунлади.

Шанба ва якшанба куни футболчиларга хордиқ олиш учун имкон берилган. Жамоа бугун тушдан сўнг базада машғулотларни давом эттиради.

Махсус мухбиримиз Исломбек Рустамбеков бугун Фарғонада, “Нефтчи” базасида бўлиб қайтди. Кўп сонли ўқувчиларимизнинг талаб ва истакларини инобатга олиб клуб раҳбари Комил Мирзабоев билан эксклюзив интервью ташкил қилди. Кейинроқ бу интервьюни сайтимизда ўқишингиз мумкин. Сайтимиздан узоқлашманг.