"Нефтчи": Девид Ония билан хайрлашдик
22 июл 2014 00:18
Новости

"Нефтчи": Девид Ония билан хайрлашдик

Миллий чемпионатимизда бир неча йиллик фаолияти орқали мухлисларга яхши таниш бўлган Девид Ония йил бошида "Нефтчи" таркибига келиб қўшилганди.

Жорий мавсум жамоамиз шарафини ҳимоя қилиши лозим бўлган футболчи кутилмаганда, чемпионат бошида "Футбол-МЕД"да тиббий кўрикдан муваффақиятли ўта олмади.

Шундан сўнг шифокорларнинг тавсиясига кўра муолажа олган нигериялик ҳимоячи иккинчи даврада "Нефтчи"га ёрдам беришни мақсад қилганди.

Бироқ Девид Ония яқинда "Футбол-МЕД"да яна тиббий кўрикдан ўта олмади ва унинг расмий ўйинларда майдонга тушишига руҳсат берилмади.

Мавсумнинг иккинчи қисмида ҳимоя чизиғини айнан Ония билан кучайтиришни режалаштирган мураббийлар штаби энди бу чизиққа бошқа футболчини олишга мажбур.

Йил бошида футболчи ва клуб ўртасида тузилган шартнома эндиликда ўзаро келишувга биноан бекор қилинадиган бўлди.

"Нефтчи" футбол клуби эса Девид Ониянинг келгуси фаолиятида омадлар тилайди!

Ссылка :

Источник : fcneftchi.uz

Получайте новости прямо в Telegram!

Рейтинг: