Назорат учрашуви. «Динамо» – «Насаф» 4:0

Учрашувда Тачмурод Агамуродов сингари Рўзиқул Бердиев ҳам бир қатор футболчиларни синовдан ўтказди. Қизиқарли курашлар остида ўтган баҳсда “Динамо” жамоасида йирик 4:0 ҳисобида ғалаба қозонди.

“Динамочилар”дан голларга Бобур Қосимов, Шоҳруҳ Абдураҳмонов, Дилмурод Каримов ва Дамир Темировлар муаллифлик қилишди. Рақиб жамоа сафида ҳам Ҳумоюн Муртазоев, Дониёр Нарзуллаев, Сардор Абдураимовларда ҳам гол уриш учун яхши имкониятлар юзага келганди, аммо вазиятлардан фойдаланилмади. Якунда назора баҳси 4:0 ҳисобида якунланди.

Эслатиб ўтамиз, “Динамо” жамоаси Суперлига 22-тури доирасида 19 октябрь куни амалдаги чемпион “Пахтакор” клубини қабул қилади.

Ўртоқлик учрашуви. 10 октябрь.

Самарқанд. “Динамо” стадиони.

“ДИНАМО” - “НАСАФ” 4:0

Ҳакамлар: Наим Қосимов (Қарши), Шерзод Камаров (Самарқанд), Сардор Ҳакимов (Самарқанд).

Голлар: Бобур Қосимов 43, Шоҳруҳ Абдураҳмонов 67, Дилмурод Каримов 85, Дамир Темиров 88 пенальтидан.