Урганч шаҳрида “Navruz Cup” турнирнинг ғолиб ва совриндорлари аниқланди
27 мар 2023 11:15
Новости

Урганч шаҳрида “Navruz Cup” турнирнинг ғолиб ва совриндорлари аниқланди

Урганч шаҳридаги “Ёшлик” спорт мажмуаси стадионида Хоразм вилояти Ёшлар сиёсати ва спорт бош бошқармаси ҳамда вилоят футбол ассоциацияси ҳамкорлигида “Navruz cup” халқаро футбол турнири ўтказилди.

Деярли бир ҳафта давом этган мазкур мусобақада 2007-2008 ва 2009-2010 йилларда туғилган ёш “чарм тўп” усталари ғолиблик учун тўп тепишди. Давравий тизимда ташкил этилган ушбу турнир якунига кўра, ёш тоифаси бўйича қуйидаги жамоалар ғолиб ва совриндор бўлди.

2007-2008 йилларда туғилганлар биринчилиги. 1-ўрин. Урганч ОПСТТМ (Хоразм вилояти). 2-ўрин. Қашқадарё вилояти. 3-ўрин. “New stars” (Тошкент шаҳри).

2009-2010 йилларда туғилганлар биринчилиги. 1-ўрин. Сурхондарё вилояти. 2-ўрин. “Бунёдкор” (Тошкент вилояти). 3-ўрин. “Ёшлик” (Хоразм вилояти). 3-ўрин. Навоий вилояти.

Турнирнинг ёпилиш маросимида ғолиб ва совриндор жамоалар, уларнинг футболчилари ташкилотчилар томонидан тегишли даражада тақдирландилар.