Наврўз Алимов “Орол”га ўтди

Тан олиш керакки, сўнгги йилларда Наврўз Алимовнинг фаолиятида сезиларли пасайиш юзага келди. Ўз вақтида миллий терма жамоа йиғинларига тез-тез таклиф олиб турган 24 ёшли футболчи жорий мавсумни аввалига “Қўқон-1912” таркибида бошлаганди. Аммо у биринчи даврада  8та учрашувда иштирок этиб, умумий ҳисобда 405 дақиқа майдонда харакат қилди холос. Эътиборлиси ҳужумчи чемпионат доирасида ўтказган учрашувларида бирорта ҳам гол урмаган.

Давралар оралиғида қўқонликлар билан ҳамкорликни тўхтган Алимов олий лиганинг ҳеч бир клубида кўриниш бермади. Яқинда уни биринчи лига иштирокчиси Нукуснинг “Орол” таркибида майдонга тушганини учратиб қолдик. Балки Наврўз жорий мавсумни биринчи лига жамоасида якунлаб, келгуси йил олий лигага қайтишни мақсад қилгандир.