"Навбаҳор": Мурод Зуҳуров варианти олиб ташландими?

Кеча жамоа йиғинига "Бунёдкор" посбони Мурод Зуҳуров қўшилиши мумкинлигини айтгандик. Маълумотларга қараганда, Зуҳуров мавсум охиригача "қалдирғочлар" сафини тарк этмоқчи эмас. Шу боис мураббийлар бошқа дарвозабон номзодини кўришаётган бўлса, ажабмас. Бизга айтишларича, айни пайтда "Нефтчи" сафида тўп сураётган Сардор Қобулжонов "Навбаҳор" йиғинига қўшилиши мумкин. Дарвозабон "лочинлар" сафида ўйнашга қарши эмас, лекин мураббийлар ҳозирча бир тўхтамга келишмади.

Шукурали Пўлатов масаласи ижобий томонга ҳал бўлаётганлиги ҳақида маълумотлар бор. Молдовалик ҳужумчининг сафга қўшилиши эса бироз кечиктирилмоқда. Ҳужжат ишлари боис ҳужумчи келгуси ҳафта йиғинга қўшилиши мумкин, лекин унинг келиш-келмаслиги мавҳум. Улуғбек Бақоев тўғрисидаги гап-сўзлар ўзини оқламади.