"Навбаҳор": Дастлабки ўйин “Нефтчи”га қарши
21 янв 2015 17:08
Новости
![](https://championat.asia/upload/storage/159301_original.jpg)
![](/upload/storage/159301_220.jpg)
"Навбаҳор": Дастлабки ўйин “Нефтчи”га қарши
Аввал хабар бериб ўтганимиздек, “Навбаҳор” ёшлар жамоаси Фарғонада бўлиб ўтадиган “Ҳоким кубоги” мусобақасида иштирок этади.
Куни кеча 30 январда старт оладиган турнир тақвими тасдиқланди. Қуръа натижаларига кўра Лян бошчилигидаги ёшларимиз “А” гуруҳидан ўрин олишди. Гуруҳда футболчиларимизга “Нефтчи”, “Қўқон-1912-2”, Андижоннинг “УзДонгЖу” ва Ёзявоннинг “Ёзявон-лочинлари” жамоалари рақиблик қилишади. Дастлабки учрашув 30 январ куни “Нефтчи” клубига қарши бўлиб ўтади. Ёшларимиз 2-турда дам олишса 3-турда “УзДонгЖу” (3 феврал) билан баҳс олиб боришади. 5 феврал куни "Қўқон-1912" жамоасининг иккинчи таркиби билан куч синашсак, 6 февралга белгиланган охирги ўйин “Ёзёвон-лочинлари”га қарши бўлиб ўтади. Умуман олганда бу йилги мусобақада водийнинг 10 та жамоаси икки гуруҳга бўлинган ҳолда бош соврин учун баҳс олиб боради. “В” гуруҳидан эса “Қўқон-1912”, “Нефтчи-2”, “Цементчи”, “Андижон-2” ва “ФарДу-Футболинфо” жамоалари жой олишган. Гуруҳларда пешқадамликни қўлга киритган жамоалар 7 феврал куни финалда куч синашишса 2-ўрин соҳиблари учинчи ўрин учун баҳс олиб боришади.
Бугун ёшларимиз Андижонда биринчи лига вакили “УзДонгЖу” билан навбатдаги назорат ўйинида куч синашишди. Кескин ва муросасиз руҳда ўтган ўйинда майдон эгаларининг ягона киритган голи андижонликларнинг ғалабасини таъминлади. Ёдингизда бўлса “УзДонгЖу” бир ҳафта олдин Наманганда меҳмон бўлиб, Лян шогирдлари билан 1:1 ҳисобида дуранг қайд этганди. Ёшларимиз “УзДонгЖу” билан яна бир бор куч синашиш имконига эга бўлишади. Бу сафарги қарама-қаршилик “Ҳоким кубоги” турнирида бўлиб ўтади.
Бугун ёшларимиз Андижонда биринчи лига вакили “УзДонгЖу” билан навбатдаги назорат ўйинида куч синашишди. Кескин ва муросасиз руҳда ўтган ўйинда майдон эгаларининг ягона киритган голи андижонликларнинг ғалабасини таъминлади. Ёдингизда бўлса “УзДонгЖу” бир ҳафта олдин Наманганда меҳмон бўлиб, Лян шогирдлари билан 1:1 ҳисобида дуранг қайд этганди. Ёшларимиз “УзДонгЖу” билан яна бир бор куч синашиш имконига эга бўлишади. Бу сафарги қарама-қаршилик “Ҳоким кубоги” турнирида бўлиб ўтади.
![AMP Logo](https://championat.asia/image/logo-amp.png)
Комментарии