“Навбаҳор” – АГМК ўйинига мухлислар киритилади
09 сен 2021 11:12
Новости

“Навбаҳор” – АГМК ўйинига мухлислар киритилади

Хабарингиз бор, Республика махсус комиссиясининг қарорига кўра, пандемия сабабли, мамлакатимизда спорт мусобақалари, шу жумладан, футбол ўйинлари томошабинларсиз ўтказилаётганди.

Сўнгги пайтларда кўплаб ҳамюртларимизнинг COVID-19 га қарши вакцина олишгани, шунингдек, коронавирусга қарши самарали чоралар кўрилаётгани боис, пандемия талаблари анча юмшатилиб, очиқ жойларда тадбирлар ўтказишга рухсат берилди.

Жамоамиз мухлислари учун қувончли хабар шундан иборатки, Coca Cola Суперлига 17-туридан ўрин олган “Навбаҳор” – АГМК ўйинига мухлисларнинг киришларига рухсат берилди. Ушбу ўйин учун чипталар эртадан сотувга чиқади.

Эслатиб ўтамиз, “Навбаҳор” – АГМК жамоалари ўртасидаги ўйин 10 сентябрь куни Наманган шаҳридаги “Марказий” ўйингоҳда соат 19:00 да бошланади.

“Навбаҳор” ПФК матбуот хизмати.

Ссылка :

Источник : pfcnavbahor.uz

Получайте новости прямо в Telegram!

Рейтинг: +12