«Насаф» — «Пахтакор» учрашуви чипталари бугундан сотувга чиқарилади

Шу куни «Насаф» жамоаси ўз майдонида жорий мавсумнинг турнир жадвалида пешқадамлик қилаётган Тошкентнинг «Пахтакор» жамоасини қабул қилади. Учрашув кеч соат 19:00да бошланади.

Ушбу учрашувга бўлган қизиқиш жуда юқори бўлганлигини ҳисобга олиб, «Насаф» ПФК маъмурияти учрашув чипталарини ҳар қачонгидан аввалроқ сотувга чиқармоқда. Мухлислар бугундан бошлаб, соат 14:00дан учрашув чипталарини стадион кассаларидан харид қилишлари мумкин. Чипталар жойларга қараб 3000 сўмдан 15000 сўмгача қилиб белгиланган.

Сизга маълумки, «Марказий»да 19 куни бўлиб ўтган «Бунёдкор» жамоасига қарши учрашувда стадионга салкам 16000 мухлис ташриф буюрган эди. Навбатдаги учрашув ўтган учрашувга нисбатан шубҳасиз қизиқарли бўлади.

Ҳурматли мухлислар! Чипталарни ўз вақтида харид қилишга шошилинг ва якшанба куни чиройли учрашувни томоша қилиб, мароқли дам олинг!