"Насаф" ўйин олди машғулотларини ўтказди, барча ўйинга тайёр

"Насаф" бош мураббийи, ўйин олди машғулотларни бир кун аввал тушга қадар ўтказишга одат қилган. Балки бу билан мураббий, футболчиларнинг жисмоний ҳолатини такомиллаштиришни ҳаракат қилган.

Машғулотларда барча бирдек ҳаракат қилди. Анчадан бери кўрмай қолганимиз, Кенжа Тўраев ҳам сафда. Дарвозабонлар билан одатга кўра Иванков ишлади. У бир йўла тўрт нафар шогирдини ўйинга тайёрлади. Айни пайтда "Насаф"да тенг кучга эга икки посбон бўлсада, эртанги ўйинда Элдор Суюновни дарвозада туришини башорат қилиш қийин эмас.

Эртанги ўйин "Насаф" тарихига жиддий ўзгартириш киритиши мумкин. Иккинчи таркиби билан Қаршига келаётган "Ал Аҳли"ни мағлубиятга учратса, қаршиликлар ўз тарихларида илк маротаба ОЧЛнинг 1/8 финалига йўлланмани қўлга киритадилар. Бу босқичда жамоа "Пахтакор"нинг гуруҳдаги рақиби бўлган "Ал Айн"га қарши баҳс олиб боради. Бунинг учун "Насаф"га омад тилаймиз!